पालिका एक्सप्रेस, एनआईसी एशिया बैंक म्युचुअल फन्ड अन्तर्गत सञ्चालन हुने “एनआईसी एशिया फ्लेक्सी क्याप फण्ड” नामक म्युचुअल फन्ड जेठ १९ गते बिहीबार देखि निष्कासन तथा बिक्री खुला गर्ने भएको छ  ।

फण्डले प्रतिइकाई १० रुपैयाँ अंकित मूल्यका १० करोड इकाई निष्कासन तथा बिक्री खुला गर्न लागेको हो ।यस योजनाको अवधि ७ वर्षको रहेको छ ।

लगानीकर्ताले न्यूनतम १ सय इकाई देखि अधिकतम १ करोड इकाईका लागि आवेदन दिन सक्नेछन् । उक्त फण्डमा छिटोमा जेठ २४ गते देखि ढिलोमा असार २ गते सम्म आवेदन दिन सक्ने छन   ।

यस योजना व्यवस्थापक  निष्कासन तथा बिक्रि प्रबन्धकमा एनआईसी एशिया क्यापिटल लिमिटेड रहेको छ । इच्छुक लगानीकर्ताले नेपाल धितोपत्र बोर्डबाट अनुमति प्राप्त गरी सी–आस्बा सेवामा सदस्य बैंक तथा वित्तीय संस्थाहरू र तिनका शाखा कार्यालयहरूबाट आवेदन दिन सक्नेछन् ।