पालिका एक्सप्रेस, प्राईम कमर्सियल बैंक लिमिटेडले १०  वर्ष अवधिको १० प्रतिशत व्याजदर भएको ‘१० बर्ष ,१०  प्रतिशत, प्राईम  डिबेन्चर २०८८ ’ नाममा ऋणपत्र निष्कासन गर्न लागेको हो ।

बैंकले ऋणपत्र निष्कासन गर्नका लागि नियामक निकाय नेपाल धितोपत्र बोर्डबाट  यहि फागुन २३ गते अनुमति प्राप्त गरेको छ । बैंकले रुपैया १००० अंकित दरमा २५ लाख कित्ताको रू. २ अर्ब ५० करोड रुपैया बराबरको ऋणपत्र निष्कासन गर्नका लागि पुस २१ गते सेबोनमा निवेदन दिएको थियो ।

कुल २५ लाख कित्ता मध्ये १० लाख कित्ता ऋणपत्र सर्व-साधारणको लागि निष्कासन गर्नेछ भने १५ लाख कित्ता ब्याक्तिगत तवरबाट विक्री गर्ने जानकारी गराएको छ ।  यस बैंकको सो ऋणपत्र निष्कासन तथा विक्री प्रबन्धकमा आरविवि मर्चेण्ट बैंकिङ लिमिटेड रहेको छ ।