पालिका एक्सप्रेस,रिलायन्स फाईनान्स कम्पनी लिमिटेडले बार्षिक साधारण सभा तथा प्रस्तावित लाभांश वितरण प्रयोजनको लागि भोलि पुस २० गते बुक क्लोज गर्ने निर्णय गरेको छ ।

त्यसकारण,आज पुस १९ गते सम्म नेप्सेमा कारोबार भई कायम भएका शेयरधनीले मात्र बार्षिक साधारण सभामा भाग लिन र प्रस्ताबित लाभांश प्राप्त गर्न सक्नेछन् ।

यस रिलायन्स फाईनान्स कम्पनीको १२ औ  वार्षिक साधारण सभा पुस ३० गते काठमाण्डौंमा बिहान ११ बजे देखि सुरू हुने जनाएको छ।

सभामा सञ्चालक समितिको बैठकले गरेको निर्णय अनुसार गत आर्थिक वर्ष २०७७/०७८ को मुनाफाबाट कम्पनीका शेयरधनीहरूलाई चुक्ता पूँजीको बोनस सेयर १५ प्रतिशत र नगद लाभांश ०.७९ प्रतिशत (कर प्रयोजनका लागि) गरी कुल १५.७९ प्रतिशत लाभांश वितरण गर्ने प्रस्ताव पारित गरिनेछ ।