९ कार्तिक २०७८, मंगलवार   111 पटक हेरिएको


image

कामना सेवा विकास बैंक लिमिटेडको लाभांश सुरक्षित गर्ने आज अन्तिम दिन रहेको छ। बैंकले बार्षिक साधारण सभा तथा लाभांश वितरण प्रयोजनको लागि भोलि कात्तिक १० गते १ दिनको लागि बुक क्लोज गर्ने भएको छ ।

त्यसैले, आज कार्तिक ९ गतेसम्म नेप्सेमा कारोबार भई कायम भएका शेयरधनीले मात्र सभामा भाग लिन र लाभांश प्राप्त गर्न सक्नेछन् ।बैंकको असोज २५ गते बसेको सञ्चालक समितिको बैठकले गरेको निर्णय अनुसार बैंकको १५ औं वार्षिक साधारण सभा कात्तिक २३ गते काठमाण्डौंमा बिहान १० बजेदेखि सुरू हुनेछ ।

सभामा बैंकको असोज ७ गते बसेको सञ्चालक समितिको बैठकले गरेको निर्णय अनुसार गत आर्थिक वर्ष २०७७/०७८ को सञ्चित मुनाफाबाट बैंकका शेयरधनीहरूलाई चुक्ता पूँजीको बोनस  सेयर १८.५० प्रतिशत र नगद लाभांश ०.९७ प्रतिशत (कर प्रयोजनका लागि)  गरी कुल १९.४७ प्रतिशत लाभांश वितरण गर्ने प्रस्ताव पारित गरिनेछ ।

यसका साथै, सभामा बैंकको सञ्चालक समितिको तर्फबाट अध्यक्षले प्रस्तुत गर्ने आर्थिक वर्ष २०७७/०७८ को वार्षिक प्रतिवेदन उपर छलफल गरी पारित गर्ने, लेखापरीक्षकको वार्षिक प्रतिवेदन वासलात , नाफा नोक्सान हिसाब ,नगद प्रवाह विवरण सहितका लेखा परिक्षण सम्बन्धी अनुसूचीहरू छलफल गरी पारित गर्ने, बैंकको आर्थिक वर्ष २०७८/०७९ को लेखापरीक्षक नियुक्त गर्ने र पारिश्रमिक तोक्ने, यसका साथै, अन्य बैंक तथा वित्तीय संस्थासँग मर्जर अथवा एक्विजिशन सम्बन्धी कार्य गर्न सञ्चालक समितिलाई अख्तियारी दिने ,संस्थापक समूहबाट ३ जना र सर्वसाधारण समूहबाट ३ जना गरी ६ जना सञ्चालकको निर्वाचन गर्ने लगायतका प्रस्तावहरु पनि सोहि सभाले पारित गर्नेछ।





सम्बन्धित समाचार