८ असार २०७८, मंगलवार   264 पटक हेरिएको


image

निषेधाज्ञा खुकुलो हुदै गएको बेलामा फेरी स्वास्थ्य तथा जनसंख्या मन्त्रालयले एक बिज्ञप्ति जारी गर्दै नेपालमा फैलिएको कोभिड-१९ को डेल्टा भेरियन्टको परिवर्तित रुप भएको पुष्टि भएको जनाएको छ । स्वास्थ्य तथा जनसंख्या मन्त्रालयले अहिले देखिएका नयाँ प्रजातीका भा’इरस बढी संक्रामक तथा सबै उमेर समूहका व्यक्तिहरूलाई असर पार्ने देखिएकाले थप सचेतता अपनाउन आग्रह गरेको छ ।

गत महीना वैशाख २७ देखि जेठ २० सम्म देशका विभिन्न ठाउँबाट विभिन्न उमेर समूहका व्यक्तिबाट संकलन गरी राष्ट्रिय जनस्वास्थ्य प्रयोगशालाबाट भारत पठाइएका नमूना मध्ये ४७ वटा नमूनामा डेल्टा भेरियन्टको बी.१.६१७.२ र एउटा नमूनामा अल्फा भेरियन्ट पुष्टी भएको मन्त्रालयले जनाएको छ ।

मन्त्रालयका सहप्रवक्ता समिरकुमार अधिकारीले आज जारी गरेको विज्ञप्तिमा डेल्टा भेरीयन्ट पुष्टी भएका ४७ नमूनामध्ये ९ वटामा थप उत्परिवर्तन ए वाई. १ भनिने के१४१७एन म्युटेसन भेटिएको जनाइएको छ । हाल सम्म यो प्रजाती नेपालसहित संसारका १० भन्दा बढी राष्ट्रहरूमा पुष्टि भएको स्वास्थ्य तथा जनसंख्या मन्त्रालयको भनाइ छ । स्वास्थ्य तथा जनसंख्या मन्त्रालयका अनुसार अहिले सरकार जन जीबन सहजताको लागी खुलाए पनि स्वास्थ्य मापदण्ड अपनाई कार्य गर्न गराउन अनुरोध गरेको छ ।





सम्बन्धित समाचार