आइएमई लाईफ इन्सुरेन्स कम्पनीको तेस्रो वार्षिक साधारण सभा जेठ ३१ गते हुँदैछ ।उक्त साधारण सभा काठमाडौंमा बिहान १० बजे  भर्चुअल माध्यमबाट सुरु हुनेछ । 

यस सभाले आ.व. २०७५/७६ को वार्षिक प्रतिवेदन उपर छलफल गरी पारित गर्नेछ । साथै  यस सभाले, आ.व. २०७५/७६ लेखापरीक्षण प्रतिवेदन सहित नाफा–नोक्सान हिसाब, नगदप्रवाह विवरण ,वासलात तथा अन्य बिभिन्न एजेण्डाहरुमाथि पनि छलफल गरी पारित गर्नेछ । सभाले आ.व. २०७६/७७ को लागि लेखापरीक्षक नियुक्त गरी पारिश्रमिक पनि निर्धारण गर्नेछ  । 

यसै सभाले साधारण शेयर  निष्काशन गर्ने विशेष प्रस्ताव पारित गर्नेछ । कम्पनीले ६० लाख कित्ता साधारण शेयर  निष्काशन गर्ने तयारी गरिरहेको छ । शेयर जारीको लागी नियामक निकाय नेपाल धितोपत्र बोर्डमा निवेदन दिएर स्वीकृति प्राप्त भए पछि साधारण शेयर जारी गर्नेछ ।