आज बुधबार सेयर बजारमा भने दोहोरो अंकको गिरावट देखिएको छ । बुधबार कारोबारमा नेप्से ३००५.६२ को विन्दुमा पुगेर पुनः कारोबार बन्द हुने समयमा दोहोरो अंकले घटेर २९४६.५८ विन्दुमा पुगेको छ ।नेपाल स्टक एक्सचेञ्जका अनुसार बुधबार सेयर कारोबार मापक नेप्से परिसूचक १३.५६ अंकले घटेर २९४६.५८ मा पुगेको छ ।
नेप्से ०.४६ प्रतिशतले घटेको हो । कूल २२१ वटा कम्पनीको ३ करोड १३ लाख ५४ हजार २२ कित्ता सेयर खरिदबिक्री हुँदा १६ अर्ब ९९ करोड ७० लाख ९२ हजार ७ सय ३ रूपैयाँ बराबरको कारोबार भएको नेप्सेले जनाएको छ ।
बुधबार सर्वाधिक कारोबार हुने कम्पनीहरूमा अरूण भ्याली हाईड्रोपावर कम्पनी लिमिटेड, नेपाल पूनर्बीमा कम्पनी लिमिटेड, नेपाल इन्सुरेन्स कम्पनी लिमिटेड, लुम्बिनी विकास बैंक लिमिटेड आदि कम्पनी रहेका छन् ।
सर्वाधिक नाफा कमाउने कम्पनीहरूमा नेपाल लाईफ इन्सुरेन्स, युनाइटेड मोदी हाईड्रोपावर, रिडी हाईड्रोपावर, अरूण भ्याली हाईड्रोपावर, सिइडिबी हाईड्रोपावर, बरूण हाईड्रोपावर आदि कम्पनी रहेका छन् ।
आज सर्वाधिक गुमाउने कम्पनीहरूमा युनाइटेड इदी मर्दी, महालक्ष्मी विकास बैंक, शाइन रेसुङ्गा, मितेरी डेभलपमेन्ट बैंक, गरिमा विकास बैंक आदि रहेका छन् ।
