१३ बैशाख २०७८, सोमबार   291 पटक हेरिएको


image

मध्य भोटेकोशी जलविद्युत् कम्पनीले आयोजना प्रभावित स्थानियका लागि यही वैशाख २१ गतेदेखि साधारण शेयर  बिक्री खुल्ला  गर्ने भएको छ । कम्पनीले आयोजना प्रभावित स्थानीय बासिन्दाका लागि कुल ६० लाख कित्ता शेयर बिक्री गर्न लागेको हो ।

जम्मा बिक्री कित्ता मध्ये सिन्धुपाल्चोक जिल्लाको भोटेकोशी गाउँपालिका वडा नं. (साविक लिस्ती गाविस र मार्मिङ गाविस) १ र ५ , बाहृविसे नगरपालीका वडा नं. ५ र ६ (साविक गाती गाविस ) तथा बाहृविसे नगरपालीका वडा नं. ७ र ८ (साविक घुमथाङ गाविस र मानेश्वरा गाविस) का वासिन्दाका लागि ३०% दरको १८ लाख कित्ता र माथि उल्लेखित स्थानिय बाहेक सिन्धुपाल्चोक जिल्लाका अन्य स्थानियका लागि ७०% का दरले ४२ लाख कित्ता शेयर जारी गर्न लागेको हो ।

स्थानिय वासिन्दाका लागि छिटोमा जेठ ४ गते र ढिलोमा जेठ २० गतेसम्म यो शेयर विक्रीमा रहनेछ । शेयर खरीदका लागि आवेदन दिंदा न्यूनतम १० कित्तादेखि अधिकतम ४०० कित्तासम्म माग गर्न सकिने व्यवस्था छ । यो कम्पनीको  साधारण शेयर  विक्रीको लागी शेयर निष्कासन तथा बिक्री  प्रबन्धकमा ग्लोबल आइएमई क्यापिटल रहेको छ ।





सम्बन्धित समाचार