५ कार्तिक २०७७, बुधबार   81 पटक हेरिएको


image

नेपाल इन्फ्रास्ट्रकचर बैंकले बैंकले मङ्सिर ३ गते बानेश्वर स्थित आफ्नै कार्यालयमा साधारणसभा आह्वान गरेको छ ।
सभामा बैंकले आईपिओ IPO निष्काशन सहितका विभिन्न प्रस्ताव पारित गर्ने भएको छ । बैंकले सर्वसाधारणको लागि ८ अर्ब रुपैयाँ बराबरको ८ करोड कित्ता शेयर निष्काशन गर्ने प्रस्ताव पारित गर्ने कार्यक्रम तय गरेकोछ । बैंकले यस अघिको साधारणसभा बाट नै सो प्रस्ताव पारित गरेपनि शेयर निष्काशन कार्यले मुर्त रुप नलिएको हुनाले फेरी प्रस्ताव पारित गर्ने जनाएको हो । हाल बैंकको चुक्ता पुँजी १२ अर्ब रहेकोमा आईपिओ निष्काशनपछि पुँजी २० अर्ब पुग्ने छ ।

त्यस्तै सभाले कम्पनीको प्रबन्धपत्र र नियमावली संशोधनको अख्तियारी संचालक समितिलाई दिने प्रस्ताव पारित गर्ने छ । सभाले आर्थिक वर्ष ७६/७७ को संचालक समितिको प्रतिवेदन तथा वित्तीय विवरण छलफल गरि पारित गर्ने छ भने आगामी आर्थिक वर्षको लागि लेखापरीक्षक नियुक्त गरी निजको पारिश्रमिक तोक्ने भएको छ ।





सम्बन्धित समाचार