PalikaExpress
१८ चैत्र २०७९, शनिबार
46 पटक हेरिएको
काठमाण्डौ:- महालक्ष्मी बिकाश बैंक लिमिटेडले ऋणपत्र निष्काशन तथा बिक्री खुल्ला गर्ने भएको छ।
बैंकले १० वर्ष अवधिको वार्षिक ११ प्रतिशत ब्याजदरमा “ १० वर्ष ,११ प्रतिशत ,महालक्ष्मी डिबेञ्चर–२०८९ ” नामक ऋणपत्र निष्काशन गर्न लागेको हो।
बैंकले प्रति कित्ता १००० रुपियाँ अंकित दरका १० लाख कित्ताको १ अर्ब रुपैयाँ बराबरको ऋणपत्र निष्काशन गर्न लागेको हो।
सो मध्ये ६० प्रतिशत अर्थात ६० करोड रुपैयाँ बराबरको ६ लाख कित्ता व्यक्तिगत तवरबाट बाँडफाँट गरिनेछ भने बाँकी ४० प्रतिशत अर्थात ४० करोड रुपैयाँ बराबरको ४ लाख कित्ता सर्वसाधारणमा बाँडफाँट गरिने जनाएको छ।
यस बैंकको सो ऋणपत्र निष्काशन तथा बिक्री प्रबन्धकमा एनआईसी एशिया क्यापिटल लिमिटेड रहेको छ।
